നാവായിക്കുളം ഇരുപത്തിയെട്ടാം മൈലിൽ മൂന്ന് വാഹനങ്ങൾ കൂട്ടിയിടിച്ച് നിരവധി പേർക്ക് പരിക്ക്. നിസ്സാര പരിക്കേറ്റവരെ പാരിപ്പള്ളി മെഡിക്കൽ കോളേജിൽ പ്രവേശിപ്പിച്ചു. ഇന്ന് രാവിലെ 6.30 ന് ആയിരുന്നു അപകടം.കെ.എസ്.ആർ.ടി.സി ബസും ട്രെയിലറും കാറും കൂട്ടിയിടിച്ചായിരുന്നു അപകടം. കല്ലമ്പലം ഭാഗത്തേയ്ക്ക് വരുകയായിരുന്ന കാറിൽ എതിർ ദിശയിൽ വന്ന ട്രെയിലർ ഇടിച്ച് നിയന്ത്രണം വിട്ട ശേഷം കാറിന് പുറകിൽക്കൂടി വരുകയായിരുന്ന ബസ്സിൽ ഇടിക്കുകയായിരുന്നു. ഉടൻ തന്നെ കല്ലമ്പലം പോലീസും ഫയർഫോഴ്സും സ്ഥലത്തെത്തി രക്ഷാ പ്രവർത്തനം നടത്തുകയായിരുന്നു. ആരുടെയും പരിക്ക് ഗുരുതരമല്ല. അപകടത്തെത്തുടർന്ന് ഒരു മണിക്കൂറോളം ദേശീയ പാതയിൽ ഗതാഗതം തടസ്സപ്പെട്ടു.
