ഡൊണാള്‍ഡ് ട്രംപിന്റെ സെക്‌സ് വീഡിയോകള്‍ റഷ്യയുടെ കൈവശം

1653

നിയുക്ത അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ സെക്‌സ് വീഡിയോകള്‍ റഷ്യയുടെ കൈവശമുണ്ടെന്ന് റിപ്പോര്‍ട്ടുകള്‍. ട്രംപിന്റെ സ്വകാര്യ വീഡിയോ റഷ്യയുടെ കൈവശമുണ്ടെന്ന് യു.എസ് രഹസ്യാനേഷണ വിഭാഗം മേധാവിയാണ് അദ്ദേഹത്തെ അറിയിച്ചതായാണ്വാര്‍ത്തകള്‍്.

ഡൊണള്‍ഡ് ട്രംപ് 2013ല്‍ റഷ്യന്‍ സന്ദര്‍ശന വേളയില്‍ നടത്തിയ ലൈംഗിക ബന്ധത്തിന്റെ വീഡിയോ ദൃശ്യങ്ങളാണ് റഷ്യയുടെ കൈവശമുള്ളത്. റഷ്യയിലെ ആഡംബര ഹോട്ടലില്‍ വച്ച് ലൈംഗിക തൊഴിലാളികളുമായി ബന്ധപ്പെടുന്നതിന്റെ വീഡിയോയാണ് റഷ്യയുടെ കൈവശമുള്ളത്. മോസ്‌കോയിലെ റിറ്റ്‌സ് കാള്‍ട്ടന്‍ ഹോട്ടലില്‍ വച്ച് ചിത്രീകരിച്ചതാണ് വീഡിയോ.

ലൈംഗിക തൊഴിലാളികളോട് തീര്‍ത്തും മോശമായി പെരുമാറുന്ന രംഗങ്ങളാണ് വീഡിയോയിലുള്ളത്. ട്രംപിനെക്കുറിച്ചുള്ള രഹസ്യവിവരങ്ങള്‍ സമാഹരിക്കുന്നതിന് എതിര്‍ സ്ഥാനാര്‍ത്ഥികള്‍ നിയമിച്ച ബ്രിട്ടീഷ് സ്‌പൈ ഏജന്റുമാര്‍ നടത്തിയ അന്വേഷണത്തിലാണ് വീഡിയോയുടെ വിവരം പുറത്തായത്.

യു.എസ് രഹസ്യാന്വേഷണ വിഭാഗം മേധാവി ഇക്കാര്യങ്ങള്‍ ട്രംപിനെ അറിയിച്ചതായി സി.എന്‍.എന്‍ ആണ് റിപ്പോര്‍ട്ട് ചെയ്തത്. ട്രംപിന്റെ സാമ്പത്തിക കാര്യ വിവരങ്ങളും റഷ്യയുടെ കൈവശമുണ്ടെന്നാണ് റിപ്പോര്‍ട്ടുകള്‍. സ്ഥാനമൊഴിയുന്ന പ്രസിഡന്റ് ബരാക് ഒബാമയ്ക്കും നിയുക്ത പ്രസിഡന്റ് ഡൊണള്‍ഡ് ട്രംപിനും യു.എസ് ഇന്റലിജന്‍സ് മേധാവി വെവ്വേറെ റിപ്പോര്‍ട്ടകള്‍ സമര്‍പ്പിച്ചിരുന്നു.